गुलरिया नगरपालिकामा यहाँहरुको स्वागत छ |

 तत्कालिन गुलरिया मथुराहरद्वार र खैरापुर गाविस लाई मिलाएर वि.स. २०५३ साल माघ ११ गते गुलरिया नगरपालिकाको घोषणा भएको हो | कुल घरपरिवार संख्या ११२३० रहेको यस न. पा मा कुल जनसंख्या ५७२३२ जस मध्ये २९३९९ पुरुष र २७८३३ महिला रहेका छन् | गुलरिया नगरपालिका तराई क्षेत्रमा पर्दछ र समुन्द्र सतह देखि १४५ मि उचाईमा रहेको छ | यो न.पा मध्यपश्चिमको बर्दिया जिल्लामा पर्दछ |

                     सिमाना

पूर्व         :  बबई नदि (महम्मदपुर गा.वि.स.)
पश्चिम     :  ताराताल र सानोश्री गा.वि.स.
उत्तर       :   बबई नदी (पदनाहा, मगरागाडी र धधवार गा.वि.स.)
दक्षिण     :  भारतको उत्तर प्रदेश (बहराईच जिल्ला )

               भौगोलिक विशेषता

गुलरिया नगरपालिका नदीको बेसिन क्षेत्रमाअवस्थित , मलिलो तथा सिंचित भुमि, तराइको सम्म भूभाग तथा पुर्व पश्चिम राजमार्गबाट नजिक रहेको शहर भावी विस्तारका लागि समेत सम्भावना बोकेको शहर हो | कर्णाली नदि प्रणालीको साखा नदीको रुपमा रहेको बबई बर्दिया राष्ट्रिय निकुन्ज हुदै यस नगरको पूर्वी सिमाना भएर बग्दछ | त्यसै गरि यस नगरको पश्चिम भागलाई सर्जु नदीले सिंचित गरेको छ |

               हावापानी

गुलरियाको अधिकतम तापक्रम ४२ डिग्री सेल्सियस र न्यूनतम तापक्रम ७.७ डिग्री सेल्सियस रहेको छ भने औसत बार्षिक वर्षा १०५० मि.मि रहेको छ |